شوية تخاريف

أعيش هذه الأيام حالة غريبة شوية .. ممكن تسموها حالة ذهول .. بالظبط بالظبط زى واحدة قاعدة قدام التليفزيون بتتفرج على فيلم خيال علمى و مذهولة من أحداث الفيلم اللى مش متوقعة خالص و عشان هى مش عرفه تعلم حاجة تمنع اللى بيحصل فى الفيلم بيقف دورها عند المشاهدة بذهول تام و فتح الفم بأنجل 45
بتفرج على الناس و مصدومة فى تصرفاتها و ردود الأفعال و نقل الكلام بطريقة غلط و سوء الفهم بدون السؤال عن المعنى المقصود و تفسير المواقف و التصرفات على المزاج و كل حاجة بتحصل حواليا ... بتفرح و انا زى صحبتنا اللى اعده قدام التليفزيون بس الفرق أنى بقول كلمة شكرا زيادة عن اللى هى بتعمله ..
عرفه أن الناس بشر بتغلط بس ليه لما بتغلط بتكابر و تقول انها مش غلطانة و لما نثبت لها أنها غلطانة برضو بتكابر و تقول أنها لسه مش غلطانة.. مش عرفه ليه الناس رفضه تشوف الواقع .. مش عرفه ليه الناس حاسه أنها ملاك يرئ رغم أنهم بشر ولاد بشر ..مش عرفه ليه الناس بترفض الحق ..ليه بتكذب .. ليه بتخون .. ليه بنتكر الجميل .. ليه بتجرح و تهين ..
عرفه أن مش دورى فى الدنيا أنى أربى الناس انا عليه الإصلاح ما أستطعت بس نفسى الناس تفهم أننا بشر زيها بنحس و بنغلط و لينا حق زى ما ليهم حق ..
إحساس صعب أوى أنك تكون خالى المشاعر فى أى و كل الأتجاهات .. بقى عندى صفر من المشاعر تجاه ناس بقيت بتفرج و أنا مذهولة فقط .. و منعه قلبى يشترك فى هذا الذهول .. إحساس صعب أوى أن أحب الناس ليك يكون رصدهم صفر فى قلبك .. ليه و مين المستفيد أنا لسه مش فاهمة أنا لسه مذهولة .. خايفة مقدرش أحس تانى ..
خايفة أكون ميته و أنا فكرة نفسى عايشه.

أبيات ذات بصمة

الإمام الشافعى

إِذا المَرءُ لا يَرعاكَ إِلّا تَكَلُّفا..فَدَعهُ وَلا تُكثِر عَلَيهِ التَأَسُّفا
فَفِي النَّاسِ أبْدَالٌ وَفي التَّرْكِ رَاحة..ووفي القلبِ صبرٌ للحبيب ولو جفا
فَمَا كُلُّ مَنْ تَهْوَاهُ يَهْوَاكَ قلبهُ..وَلا كلُّ مَنْ صَافَيْتَه لَكَ قَدْ صَفَا
إإذا لم يكن صفو الوداد طبيعة ً..فلا خيرَ في ودٍ يجيءُ تكلُّفا
ولا خيرَ في خلٍّ يخونُ خليلهُ..ويلقاهُ من بعدِ المودَّة ِ بالجفا
وَيُنْكِرُ عَيْشاً قَدْ تَقَادَمَ عَهْدُهُ..وَيُظْهِرُ سِرًّا كان بِالأَمْسِ قَدْ خَفَا
سَلامٌ عَلَى الدُّنْيَا إذا لَمْ يَكُنْ بِهَا..صديق صدوق صادق الوعد منصفا


أبو القاسم الشابى

اذا الشعب يوما أراد الحياة ... فلا بد أن يستجيب القدر
ولا بد لليل أن ينجلي ... ولابد للقيد أن ينكسر


المتنبى

إذا غامرت في شرف مروم ... فلا تقنع بما دون النجوم

البقاء لله يا هالة

منذ يومين و أنا أشعر أن شمس أحد أعرفه سوف تغيب و حين أشعر بهذا الشعور أنتظر رنين هاتفى ليأتى الخبر و لا عجب فى هذا فشعورى لم يخيب ظنى من قبل..
منذ ساعتين أتصلت بى صديقتى علياء لتبلغنى بوفاة والدة صديقتنا هالة و أن غذا سيكون مراسم الدفن و العزاء .. أغلقت الهاتف مؤكدة لعلياء أنى سأسافر معها لكى نكون بجانب صديقتنا هالة .. و بلا وعى أبلغت من طلب منى إبلاغهم بالخبر .. كنت عند الطبيب وقتها و فى طريقى للبيت لم أستطيع أن أمنع عقلى من التفكير و كأن شريط عمرى يمر أمامى تذكرت كل من مات من الأحباب، الأقارب و الأصدقاء .. يوم وفاتهم و العزاء و كلمات الناس أتذكر كل شئ و كأنه أمس .. تذكرت مدرستى اللتى كنت أناديها جدتى "ميس إحسان" كانت أسم على مسمى كانت رمز الحب و الحنان و الأدب و القيم فى حياتى ماتت يوم 10 أكتوبر 1997 و العجب كل العجب أنى مررت ببيتها و الشريط يمر، تذكرت سلسبيل هانى حفنى صديقتى بالمدرسة التى توفت فى طابور الصباح و نحن فى الإعدادية كانت بنت هادئة جدا جميلة و رقيقة توفت يوم 25 سبتمبر 2000 و توفى أخوها الأصغر بعد وفاتها ب 47 يوم إى بعد الأربعين بأسبوع، تذكرت ياسر محمد يحيى أتذكر جيدا وجه والده الأستاذ محمد يحيى و أهله يوم العزاء الذى كان فى مسجد الخلفاء الراشدين يوم 38 مارس 2006 كان أول عزاء أحضره فى حياتى، تذكرت أحمد عبد المنصف أحد أعضاء صناع الحياة القاهرة توفى ثالث أيام عيد الفطر و كان صائما فى هذا اليوم و كان هذا اليوم يوم زفافه و لكنه تأجل و سبحان الله يكون هذا اليوم هو يوم وفاته أتذكر أنه فى الأيام الأخيرة قبل وفاته كان مشغولا بعرسه و التحضير له و كان من عادة شباب صناع الحياة أن يصلوا التهجد سويا فإذا به فى ليلة 27 رمضان يأتى لكى يصلى معهم و كأنه كان يودعهم، تذكرت طنط عنايات بنت عمة أمى و أبى (أمى و أبى أولاد عم) كانت رمز للحب و العطاء اللا محدود و العجب أنها توفت يوم عيد الحب (الفلانتين) يوم 14 فبراير 2005 أتذكر صوتها جيدا و حضنها الدافئ و يدها الحنون، تذكرت زوجها "عمو عبد الحميد" الذى لم يحتمل فراقها أكتر من ثلاث شهور فقط .. ذهب إليها لكى يكملا حياة الحب و العطاء معا فى الآخرة، تذكرت عمو حسنين ابن عمة جدتى الذى وعيت على الدنيا وجدته مشلول لا يقدر على الحركة و لا الكلام أسمع ضحكته العاجزة و الدموع فى عينيه كلما رأى والدى و والدتى .. كان يحبهم كثير، تذكرت منى حسنين أبنته التى توفت بسبب السرطان الذى توغل حتى العظام، تذكرت صديق والدى دكتور محمد ناجى المخزنجى أستاذ أمراض النساء و التوليد بكلية طب جامعة عين شمس كان إنسان جميل جدا يحترم عقل كل من يتكلم معه مهما كان سنه أتذكر أننى جلست أتكلم معه فترك أصدقائه و تفرغ للحديث معى و كان عمرى لا يتعدى الخامسة عشر، تذكرت علياء صديقتى التى أبلغتنى بالخبر تذكرت جيدا صوتها منذ سنة و هى تقول لى "ماتت يا منى ماتت" سألتها "من مات" قالت "صاحبتى كانت وافقة جنبى و جاء ميكروبص دهسها.. ماتت يا منى ماتت" .. كان حديثى مع علياء بعد دقائق من الحادثة، تذكرت الكثير ربما هؤلاء من أستطعت أن أكتب لكم عنهم و لكن هناك أكثر بكثير تذكرتهم .. و سيأتى يوم و سأكون ذكرى فى ذاكرة أحدكم أو غيركم .. أدعو الله أن يرحم كل من مات من أعرفهم و لا أعرفهم و أن يرحمنى و يرحمكم معهم.
يبقى سؤال يفرض نفسه على كل مرة أسمع فيها بوفاة أحد ... لو حد زعلان منى مات هعمل إيه؟ و لو انا مت و أنا زعلانة من حد هيكون إيه الحل؟
يارب انا مسامحه كل الناس و ياريت الناس تسامحنى

يوم الطين

أحب ملك من الملوك فتاة فقيرة فتزوجها و جعلها أميرة و أغدق عليها و على أهلها بما اشتهت و لم تشتهى حتى أنها فى يوم من الأيام أشتاقت أن تمشى حافية القدمين على الطين كما كانت تفعل فى طفولتها البائسة فأمر الملك الخدم ففرشوا حديقة القصر بالطين المعجون بالمسك و الريحان والجواهر و الذهب و نزلت الملكة حافية القدمين تلهو هى و جواريها فى الطين و تلتقطن الجواهر و الذهب. و بعد حين نشب خلاف بسيط بين الملك و الملكة فقالت له : "لم أرى منك خيراً قط" فتعجب قائلاً: "حتى و لا يوم الطين".
فى حياة كل منا يوم كيوم الطين و لكن قليل منا من يتذكره، فنحن لا نتذكر الأشياء الجميلة مهما كان حجمها عند الخلاف و نجحف الناس حقها و نقول كما قالت الملكة "لم أرى منك خيراً قط".
عندما نجحف الناس حقها فهذا لأننا لا نجيد التحكم فى ذواتنا. و أعنى بالذات الأفكار، الشعور و السلوك، فعندما نفقد السيطرة على أحد هذه العناصر الثلاثة للذات فإننا نفقد التحكم فيها و على حسب قدرة الإنسان و سطوته يكون الإجحاف.
فمنا من يكون إجحافه كلام جارح يمطره على من أختلف معه و يتغنى بهذا الكلام فى كل مجلس و يكون الإجحاف أكثر قوة لو كان من نختلف معهم أصدقائنا فنحن نعرف عنهم الكثير، نعرف ماذا يؤلمهم أكثر و منا من يكون إجحافه أفعال فنؤذى من نتختلف معهم مثل نقل أو فصل من العمل أو أذى جسدى كالضرب. صدق من قال "احذر عدوك مرة واحذر صديقك ألف مرة فربما انقلب الصديق وكان أدرى بالمضرة" و "أحبب حبيبك هونا عسي أن يكون بغيضك يوما ما و أبغض بغيضك هونا عسي أن يكون حبيبك يوما ما".
المشكلة تكمن فى أنفسنا فنحن من لا نستطيع أن نتحكم فى ذواتنا. كثيرا منا من يتعلم قيادة السيارة و التحكم فيها و لكن قليل منا من يتعلم قيادة ذاته و التحكم فيها على الرغم من أن الذات أولى بتعلم خباياها و كيفية قيادتها و التحكم فيها من أى شئ أخرعلى وجه الأرض. فعليك أولا أن تعلم ذاتك ثم تتعلم كيف تتحكم فى أفكارك، شعورك و سلوكك. تذكر دائما و أنت تتعامل مع الناس أنهم بشر يمكن أن تختلف معهم و يختلفون معك و لكن لا تجحفهم حقهم حتى إذا أجحفوك حقك لأن كل منا محاسب على أفعاله و ليس أفعال الأخر، و عش بقول الإمام على بن أبى طالب "عاشروا الناس معاشرة إن غبتم اشتاقوا إليكم و إن متم بكوا عليكم " و تذكر دائما يوم الطين الذى أهدوك إياه.

منى الشوربجى

و انت بتقول الشهادة

قصيدة رائعة للشاعر عصام علم الدين
بجد روعة
القصيدة منقولة من موقع الشاعر
لكى تستمتع بقصائد جميلة أخرى للشاعر هتلاقى لينك الموقع فى "غمض و انتش اى لينك" و عشان متتعبش
لينك القصيدة
لينك الموقع

أسيبكم بقى تستمتعوا بالقصيدة

وإنـت بـِتـقـُول الـشـهـَادَّه

وإنـت بـِتـقـُول الـشـهـَادَّه

أنـَا كـُنـت شـَايـفـَّك حـَى

وشـَايـِّف نـَفـسـِي مـَيـِّت

إنـت الـزَمـن الـلـِي جـَّى

وأنـَا سـِنـِيـنـِي الـلـِي مـَرِّت

وإنـت بـِتـقـُول الـشـهـَادَّه

لـِقـتـنـِي زي الـعـَبـد

لـَقـِيـتـَّك إنـت الـسـَيـِّد

إنـت كـَرامـَّه ومـَجـد

وأنـَا بـِالـذل مـِتـقـَيـِّد

دمـَّك بـِيـروي الأرض

وأنـَا دمـِي مـِتـجـَمـِّد

رايـِّح تـِقـَابـِّل رب

والـجـَنـَّه لـِيـك مـَوعـِّد

طـَريـقـِي لـِيـهـَا صـَعـَّب

وإنـت عـَلـِيـهـَا بـِتـِورِّد

عـَايـش أنـَا بـِالـَغـَصـب

مـَكـبـُوت و مـِتـعـَوِّد

مـِاأنـَا مـَسـلـُوب الإراده

وخـنـُوعـِي بـَقـَى عـَادَّه

وإنـت بـِتـقـُول الـشـهـَادَّه

وإنـت بـِتـقـُول الـشـهـَادَّه

شـُوفـتـَّك بـَطـَّل

حـَسـِيـت سـَاعـِتـهـَا إن لـِسـَّه

فـِيـه أمـَّل

أيـوَّه صـَحـِيـح غـَالـِي الـتـَمـَّن

بـَس الـحـَيـَاه بـِتـسـَاوي إيـه

لـَوعـِشـنـَا فـِيـهـَا بـدون وطـَّن

أنـَا كـُنـت شـَايـفـَّك

وإنـت رافـِّع أعـلـَى رايـَّه

وبـصـُوت شـَفـَايـفـَّك

قـُلـت لـِيـنـَا أغـلـَى آيـَّه

خـَلـتـنـِي حـَاسـِّس مـَرَّه تـَانـِي

الـسـكـُوت مـَعـنـَاه خـَيـَانـَّه

مـَعـرَفـش لـِيـه الإحـسـَاس ده جـَانـِي

مـَابـَقـِتـش قـَادِّر إنـِي أشـُوفـنـِي ف الـمـرايـَّه

مـَاأنـَا أصـلـِي عـَارِّف إنـِِي جـَانـِي

غـَرقـنـِي دَمـَّك الـلـِي طـَرطـَّش

فـُوق هـُدومـِي

بـَقـَى صـَعـب نـُومـِي

أصـبـَحـت خـَايـِّف كـُل يـُومـِي

مـَابـَقـتـش عـَارف

أمـتـَى هـَرتـَاح مـِنـُه لـُومـِي

أنـَا لازم أنـسـَى

أحـَاسـِيـسـي الـجـَبـَانـَّه

مـن بـَعـد غـِزَّه

وبـَعـد صـَابـرا وبـَعـد قـَانـَا

مـَابـَقـَاش يـِكـَفـِي يـِبـقـَى ردي

طـُول بـُكـَايـَا

أنـَا فـَارد كـَفـِي ومـَادَّد يـَدي

وفـِيـه مـَلايـِيـن مـَاديـن ويـَايـَا

مـَبـقـولـش لـوحـدي

فـِيـه مـَلايـيـن بـِيـقـُولـُوا مـعـَايـَا

أرضـَّك ديـه أرضـِي

ولازم تـِرجـَّع لـِيـنـَا ف أي نـهـَايـَّه

وضـِد الـمـُحـتـَّل يـَاسـَادَّه

أو حـَاكـِّم ظـُلـمـُه زيـَادَّه

الـكـُل خـَلاص آهـُو نـَادَى

طـَلـب الـحـُريـَّه عـِبـَادَّه

وإنـت بـِتـقـُول الـشـهـَادَّه

كل عام و أنتى صامدة يا غزة

بكل لغات العالم و بطرق محتلف يقول الناس لبعضهم البعض كل عام و أنتم بخير فى المناسبات المختلفة
و دائما تكون لإسرائيل و أمها أمريكا طرقهم الخاصة لقول تلك الجملة للأمة العربية
ففى عيد الأضحى العام الماضى كانت مباركة أمريكا هى إعدام صدام حسين بعد صلاة العيد
و الآن قبل رؤية هلال العام الهجري بيوم أرسلت إسرائيل مباركتها للامة الإسلامية و العربية بمناسبة العام الجديدة من خلال المجزرة التى تقوم بها فى غزة الآن

و انا أقول لغزة كل يوم يمضى يقربك من النصر الذى وعد الله به الأمة
ألا إن نصر الله قريب
ألا إن نصر الله قريب
ألا إن نصر الله قريب

كلمات جميلة

لاتندم على حب عشته حتى ولو صارت ذكرى تؤلمك فإذا كانت الزهور قد جفت وضاع عبيرها ولم يبقى منها غير الأشواك فلا تنسى أنها منحتك عطراً جميلاً أسعدك لا تكسر أبداً كل الجسور مع من تحب فربما شاءت الأقدار لكما يوماً لقاء يوماً آخر يعيد ما مضى و يصل ما انقطع ... فإذا كان العمر الجميل قد رحل فمن يدري ربما انتظرك عمر أجمل و إذا قررت يوما أن تترك حبيباً فلا تترك له جرحاً فمن أعطانا قلباً لايستحق أبداً منا أن نغرس فيه سهماً

فضفضة

ديما المصائب لا تأتى إلا مجموعات
يعنى مفيش مصيبة بتيجى لوحدها
لاحظت الموضوع ده .. و فعلا الكلام ده بيحصل معايا
يمكن لأنى مع أول مصيبة بتاخذ معظم الطاقة اللى عندى
فقوتى لمقاومة المصايب اللى بتيجى بعدها بتقل
حتى لو اللى جه بعدها حاجة صغيرة أوى لا ترقى لكونها مصيبة
بس برضو بتبقى مصيبة و بتكبر معايا أوى عشان مفيش مقامة ... زى جهاز المناعة لما يضعف فى جسم الإنسان
ربنا يستر لانى عايشه فى الحالة ده لدوقتى
و للأسف خايفة فى حالتى ده أخسر حد غالى عليا أوى
ربنا يستر أدعولى

عايزه أكتب... ممكن تسمحولى

يااااااااااااااااااه

بقالى كتير أوى مكتبتش و لا هنا و لا غير هنا

حاسه أن قلمى خلاص قرب الحبر اللى فيه يفضى و ينشف و حاسه انى لو حكيته عشان يكتب السن هيتكسر

بس الحمد لله لحقته قبل ما ينشف الحبر و يتكسسر السن

الله يرحمه الأستاذ عبد الوهاب مطاوع كان بيقول أن اليوم اللى يتكسر فيه سن قلم الكاتب ده يوم موته الحقيقى

الله يرحمه

أوعدكم إن شاء الله هبدأ أكتب تانى و إن شاء الله أكمل مذكرات مسافر

و شكرا لكل الناس اللى عدت على المدونة و انا غايبة عنها

و شكرا لكل الناس اللى شجعتنى أرجع أكتب تانى

كفارة يا منمونة

النهارده يوم غير عادى
أكيد طبعا عشان النهارده
كان آخر يوم فى الإمتحانات
إمتحانات بكالريوس كلية الحاسبات و المعلومات جامعة زقزوقة
رغم أن لسه منقشناش المشروع
الكل النهارده كان بيهنى بعضه
تسمع من هنا مبروك... و تسمع من هنا كفارة أيام يارب متعود
لكن بجد أحلى تعليق سمعته النهارده
كان من أمى ماما دودو أو د/داليا الشيمى

كفارة يا زينة الرجالة

حملة معا لمناهضة العنف ضد الأطفال

بسم الله الرحمن الرحيم

قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا

هُوَ خَيْرٌ مِمَّا يَجْمَعُونَ [يونس:58]

صدق الله العظيم

أنطلقت اليوم

فى تمام الساعة السابعة مساء

يوم الخميس الموافق 29\5\2008

من مركز عين على بكرة بالقاهرة

حملة "معا ضد العنف"

و ستختار الحملة "العنف ضد الأطفال"

فى العام الأول لها عام 2008

تحت شعار

""معا لمناهضة العنف ضد الأطفال"

مليون مبروك لدكتورة داليا ... سفيرة الخير

مليون مبروك لكل أفراد أسرتنا ..عين على بكرة

مليون نعم لكل فرد يريد الإصلاح و التغير للأفضل

و مليون لا لكل فرد يريد التخريب و الترهيب

فى كل بلاد العالم

و تبدأ الحملة بحملة توقيعات على موقع عين على بكرة ثم يليها ندوات فى جميع أنحاء مصر إن شاء الله تعالى

متنظرين توقيعاتكم

منتظرين مشاركتكم

منتظرين أقتراحاتكم

للتوقيع أضغط هنا

عين على بكرة

عين علي بكره بقلم خيري رمضان ٣/٤/٢٠٠٨
الأمل هو زاد الحياة، واليائسون وحدهم يعجزون عن الوصول إلي الشاطئ الآخر من النهر، فإما أن يعودوا من حيث أتوا، أو يستسلموا للغرق.
داليا الشيمي ورفاقها من مجموعة «عين علي بكره» ،بالاشتراك مع جمعية المرأة والمجتمع، حلموا يوماً بدمج الأطفال المعاقين مع أقرانهم الأصحاء في المدارس الحكومية، وخاضوا معارك كبري، خاطبوا كل الجهات عبر الإنترنت، وصلوا إلي أعضاء مجلس الشعب، والنتيجة: وافقت وزارة التعليم علي الفكرة، وأعلنت عن تبني الوزارة لها، واتخاذ جميع الإجراءات لتعميمها.
تقول داليا الشيمي، في رسالة لها عبر بريدي الإلكتروني، من علي فراشها بعد إصابتها في حادث سير - سلامتك يا داليا - مستندة إلي مقولة للكاتب العالمي «باولو كويلهو»: «إنك إذا رغبت في شيء تآمر العالم علي تنفيذه»،
إننا يمكننا تغيير كل شيء إذا أردنا، وتتذكر داليا ما لقنته لها والدتها الكريمة: «من حق المحكومين أن يعترضوا علي الحكام، ولكن الحق الذي يهجرونه هو تقديمهم حلولاً لما يعانون من مشكلات،
وإيجاد بدائل لما يعانون، وبالتالي يهدرون طاقاتهم في لعن هؤلاء، فيما يبقي وضعهم كما هو، لذلك نجد هذه المجتمعات علي مر العصور، حكاماً يؤدون ما يرونه صحيحاً، ومحكومين يلعنونهم، ثم يرون أنهم كانوا أصلح بعد وفاتهم، الحكام يبدأون من والديك، بوصفهما الصورة الأولي للسلطة في حياة كل فرد، كل شيء في حياتنا قابل للتغيير، قابل للإصلاح، لو رغبنا ولو سعينا».
مفيش حاجة في الدنيا مستحيلة، مفيش حاجة مش ممكن تتغير، المهم نشوف عايزين إيه، وما هي الخطوات التي علينا اتباعها لتحويله مما هو عليه، ثم نقيم الأدوات التي يمكن أن نستخدمها لتحقيق ذلك. هذه هي استراتيجية داليا ومن معها، استراتيجية تستحق التأمل والتشجيع للعبور إلي الشاطئ الآخر، بعد أن تعثرت الحكومة وكادت تغرق، وهي تحاول العودة إلي الشاطئ نفسه الذي بدأت منه!

أعلى الدرجات

لكل شئ فى الدنيا درجات
و لكل درجات أعلاها

أعلى درجات اليتم
يقال أن أعلى درجات اليتم هو أن يموت أبوك و أنت مازلت جنين فى بطن أمك ...كمان حدث مع الرسول صلى الله عليه و سلم ... لكن من رأى أن أعلى درجات اليتم .. هو أنك تكون عايش مع أبوك و أمك و هما رصدهم فى قلبك أقل من الصفر بكتيير ...يعنى رقم بالسالب ... هما مصدر همك و نكدك ... يقفون أمامك يدفعونك للخلف لا يقفون خلفك و يدفعونك للأمام .. و المشكلة أن يكون هذا هو مبدأهم فى التعامل معك و يرونه صحيحا .. يرون أنه عندما يقفون امامك أنهم يستفزونك لتمضى للأمام .. و لا يعرفون أنهم بهذا يفقدونك الإحساس بالأمان ...اللى هو دورهم أصلا

أعلى درجات الغربة
يقال أن أعلى درجات الغربة هو أن تعيش فى مكان لا تعرفه و لا يعرفك فيه أحد ... لكن من رأى أن أعلى درجات الغربة أنك تعيش وسط أهلك و أصحابك و هما مش شيفينك ... مش حاسينك ... كأنك و لا حاجة فى حياتهم .. كأنك ميت ...ممكن يشفوك بتعتصر من الألم و لا حد يقولك مالك ... ممكن يكون وشك احمر و عنيك مليانة دموع و يمروا من جنك و هما مش شيفينك ... انت و لا حاجة فى حياتهم

هما دول اللى فى بالى دلوقتى لو افتكرت حاجة تانية هبقى أكتبها و لو حد عايز يضيف حاجة يكتبها بردوا

أعرفكم بنفسى

لف التاج و وصلنى ... و كمان عليه زيادة شوية أسئلة

من حبيبة قلبى سارة المصرى

لو أعطيتك ثلاث وردات .. من هم الثلاث الأشخاص اللى هتعديهم الورد اللى معاك ؟؟

اول وردة لإنسانة جميلة أوى و طيبة جدااا أسمها د/داليا الشيمى (أقصد ماما دودو) مؤسسة موقع و جروب عين على بكرة

تانى وردة لصحبتى و حبيبة قلبى نرمين حجاج

ثالث وردة لصحبتى و حبيبة قلبى سالى زيدان
لو أعطيتك ورقة بيها 3 سطور فقط و قلت لك أكتب فيهم اللى أنت عيزه هتكتب إيه ؟؟

إن ربا كفاك بالأمس ... ما كان سيكفيك فى غد ما يكون ... الإمام الشافعى

خلى بالك من نفسك يا منى ياريت متهويش وسط الزحمة و تنسى أحلامك و أهدافك بعد التخرج

اللهم يا واصل المنقطعين صلنى إليك
ما هو هدفك فى الحياة ؟؟

انا عندى هدفين فى حياتى

الأول : أفتح شركة برمجة و ده هيكون ... فى فترة من 3 إلى 5 سنين

الثانى : أفتح شركة إنتاج فنى موجه للشباب و الأطفال ... فى فترة من 8 إلى 10 سنين
"إن شاء الله بكرة هيكون أحسن من النهارده" ِهل تصدق هذه المقولة ؟؟ و لماذا ؟؟

نعم أصدقها لأن فى أمل فى الأمة طول ما فيها ناس عيزه تغير و تصلح بطريقة إجابية و فكر متحضر و واعى
أجمل مقولة سمعتها / سمعتيها فى حياتك ؟؟

عاشروا الناس معاشرة إن غبتم اشتاقوا إليكم و إن متم بكوا عليكم ...للإمام على بن أيى طالب
من المغنى اللى بتحبه أوى و إيه أحلى أغنية ليه بتحبها ؟؟

محمد فؤاد و الأغنية اللى بحبها .. الأقصى نادى و انا لو حبيبكو عم حمزة الصراحة بحب أغانيه كلها
"غزة" تمثل لك إيه فى حياتك ؟؟

عيزه تعرفى الإجابة الحقيقية أقرأى بوست "ذهبت إلى غزة"

غزة هى النهارده و بكرة هى كرامتنا و عزتنا
أعطى لإنتمائك لوطنك درجة من مائة ؟؟

10000000000000000000000000000%
لو تزوجت / تزوجتى و أنجبت بنتين و ولدين أى الأسماء تختار لهم ؟؟

اول عيل بنت او ولد هسميه حبيبة

البنات :حبيبة و روميساء

الولاد :بلال و بكر
عمرك غشيت فى أمتحان و انت ضغير ؟؟

الحمد الله الحمد لله الحمد لله لا عمرى ما غشيت لا و لا انا صغيرة و لا لاو انا كبيرة عشان مؤمنة ان ربنا شايفنى فى كل لحظة و عندى مبدأ فى حياتى أنى لو هشيل لمادة أو حتى سنة كاملة أشلها بكرامتى
لو أتعرض عليك رشوة كبيرة و انت فى زنقة ماليه هتعمل إيه ؟؟

إن شاء الله لا ثم لا ثم لا ... لان من شب على شئ شاب عليه ..الحمد لله انا عمرى ما اديت لحد راشوة عشان يعملى حاجة و لا عمرى أخدت من حد جاحة
تمرر التاج ده لمين ؟؟

مررته لكل الناس اللى اعرفهم خلاص
قول 3 صفات ب 3 كلمات بس توصف بيهم شخصيتك (يعني كريم طيب خدوم كده

سمحينى مش عرفه إجابة السؤال ...المفروض السؤال ده انت اللى تجاوبى عليه توصفينى بإيه عشان مفيش إنسان يقدر يوصف نفسه
اول مرتب ليك وكان كبير قوي يكفي تجيب اغلى هدايا هاتجيب لكل فرد في عيلتك ايه

الله الله كنت بحلم باليوم ده يا سارة اليوم اللى اقبض فيه اول مرتب

أولا هجيب لأمى لاب توب عشان تشغل عليه السى ديها الدينيه و كمان تكلم اخواتى من عليه عشان انا مش ديما بكون فى البيت و على طول اللاب توب معايا

ثانيا هجيب لأبويا عربية جديدة عشان مش عايز يغير عربيته

ثالثا هجيب لماجد أخويا الكبير هجبله جهاز فى عيادته

رابعا أخويا معتصم هجبله اى حاجة فى جهازه هو اللى يحدد بقى عشان مش عرفه هيكون إيه اللى نقصه سعتها

خامسا أخويا و حبيب قلبى محمد هجبله صيدلية

سادسا انا آخر العنقود ... هجيب لنفسى عربية بصراحة عرفه ان المرتب مش هيكفى فعشان كده مش هجيب العربية اللى نفسى فيها هجيب عربية محندقه كده لحد مرتب الشهر اللى بعده ابقى اجيب العربية اللى نفسى فيها و هموت و حتى اركبها

passat
برضه بكلمة واحدة ايه اهم صفة عايزها في شريك حياتك

العفة بجميع أنواعها ...عفة اليد و عفة اللسان و عفة اليد ... خلق العفة كله
ايه المجال اللى غير دراستك وشايف نفسك فيه قوي حتى لو كان ياشيخ الرسم عالحيطة

الأدب و بالذات كتابه الشعر
بتحب السفر

بحب السفر جداااااا
طب دلوقتى حالا ايه المكان اللى نفسك تكون فيه

مكة المكرمة نفسى أروح مكة أوىىىىىىىىىى

تاج عرفنى بنفسك

عجبتنى أوى فكرة التاج فعلا على رأى سارة المصرى صحبتى الحاجة أم الاختراع

انا اتبعتلى تاج و جاوبت عليه

و كان نفسى أبدأ انا تاج و يمر بين الناس إحتمال يرجعلى و إحتمال لا بس أكيد لو جالى هرد عليه و هكون فرحانة أوى

لو أعطيتك ثلاث وردات .. من هم الثلاث الأشخاص اللى هتعديهم الورد اللى معاك ؟؟

لو أعطيتك ورقة بيها 3 سطور فقط و قلت لك أكتب فيهم اللى أنت عيزه هتكتب إيه ؟؟

ما هو هدفك فى الحياة ؟؟

"إن شاء الله بكرة هيكون أحسن من النهارده" ِهل تصدق هذه المقولة ؟؟ و لماذا ؟؟

أجمل مقولة سمعتها / سمعتيها فى حياتك ؟؟

من المغنى اللى بتحبه أوى و إيه أحلى أغنية ليه بتحبها ؟؟

"غزة" تمثل لك إيه فى حياتك ؟؟

أعطى لإنتمائك لوطنك درجة من مائة ؟؟

لو تزوجت / تزوجتى و أنجبت بنتين و ولدين أى الأسماء تختار لهم ؟؟

عمرك غشيت فى أمتحان و انت ضغير ؟؟

لو أتعرض عليك رشوة كبيرة و انت فى زنقة ماليه هتعمل إيه ؟؟

تمرر التاج ده لمين ؟؟

انا بمرره لأصحابى

سارة المصرى

هجور

بيسووو

wa7di

soooo

د/هبة عادل

تاج العزوبية

التاج ده وصلنى من هاجر (مدونة حاسوبتية) انا آسفة يا هاجور تأخرت عليك

ما رأيك فى الجملة التى تقول ...العزوبية تاج على رؤوس العزاب لا يراه الا المتزوجين ؟؟

نعم العزوبية تاج على رؤوس العزاب لا يراه إلا المتزوجين ... و الزواج تاج على رؤوس المتروجين لا يراه إلا العزاب .. عشان مفيش حد عجبة حاله ... العزوبية حالة و الزواج حالة و لكل منهما مميزاته و عيوبه و كل حاجة فى الدنيا بتتوزن بمميزاتها و عيوبها و اللى يكسب اللى مميزاته أكتر من عيوبه

ما هى العوائق من وجهة نظرك التى تحول بين الشباب والزواج هذه الايام ؟؟؟

العوائق ما شاء الله كثيرة و منهم إنخفاض نسبة الشباب الجاد (قليل جدا من الشباب اللى يقدر يتحمل المسؤلية الزواج) ... أختلاف معاير أختيار شريك الحياة عن المعاير التى وضعها الله لأختيار شريك الحياة (عيزها جميلة شعرها أصفر و عنيها خضرا، و على الجانب الآخر عيزاه جميل و وسيم و ستايل و عنده عربية ) ... الحالة الأقتصادية للبلد ... حالة الغلاء فى كل شئ أبتداء من المسكن إلى السكر ... المطالب الكثيرة من أهل العروسة (كأن مفيش حد عنده بنت غيرهم) ... الإنفراد بالرأى أو التسلط فى الرأى من جانب الأبناء أو الأمهات أو الأباء ... البطاااااالة ... و ما خفى كان أعظم

من وجهة نظرك هل النكد موجود فى العزوبيه ام فى الزواج ؟ ولماذا ؟

النكد نوعين نكد خارجى و نكد داخلى .. يعنى إيه .. النكد الخارجى نكد من خارج البيت أما النكد الداخلى نكد من داخل البيت .. و النكد بصراحة موجود فى العزوبية و الزواج بس الفرق بقى أن فى العزوبية النكد بيكون خارجى بس و بتتحمله لوحدك ... أما فى الزواج فالنكد الخارجى بتتحمله أنت و شريك الحياة أم النكد الداخلى فبيكون على حسب شريك الحياة غاوى نكد و لا لا

ما الحل من وجهة نظرك لمشكلة (( العزوبية )) فى مصر ؟؟

كل كل المشاكل اللى تم ذكرها فوق

من وجهة نظرك ....هل للعزوبية مميزات وعيوب ؟؟؟

أكيد كل حاجة فى الدنيا ليها مميزات و عيوب .. من المميزات أنك بتكون حر نفسك تعمل اللى انت عيزه وقت ما تحب و من عيوبها أنك بتفتقد لحضن العيلة و حته طفل صغير يقولك "يا ماما" أو "يا بابا"

ما هو رأيك فى انشاء مدونة (( رابطة )) للعزاب من المدونين ؟؟؟

فكرة حلوة لكن لازم تكون بضوابط و أهداف واضحة بس للعلم مفيش بنات كتير هيشتركوا فيها عشان احنا فى بلد شرقى

أخيرا ....لمن تمرر هذا التاج ...على الأقل خمسة ؟؟؟

سارة المصرى

د/هبة عادل
مشكلة موضوع خمسة طيب نبدأ بسارة و هبة و ربنا يبعت

هَذِي بـِلادٌ .. لمْ تـَعُـــدْ كـَبـِلادِي

كم عشتُ أسألُ: أين وجــــــــهُ بــــلاد

يأين النخيلُ وأيـن دفءُ الــوادي

لاشيء يبدو في السَّمـَــاءِ أمـامنــــــــــا

غيرُ الظـلام ِوصــورةِ الجــلاد

هو لا يغيبُ عن العيــــــــون ِكأنــــــــه

قدرٌٌ .. كيوم ِ البعــثِ والميــــلادِ

قـَدْ عِشْتُ أصْــــرُخُ بَينـَكـُمْ وأنـَـــــادي

أبْنِي قـُصُورًا مِنْ تِـلال ِ رَمَـــاد

ِأهْفـُـو لأرْض ٍلا تـُسـَـــاومُ فـَرْحَتـِــــي

لا تـَسْتِبيحُ كـَرَامَتِي .. وَعِنَــادِي

أشْتـَـاقُ أطـْفـَـــــالا ً كـَحَبــَّاتِ النـَّــــدَي

يتـَرَاقصُونَ مَـعَ الصَّبَاح ِالنـَّادِي

أهْـــفـُــــو لأيـَّـام ٍتـَـوَارَي سِحْــرُهَـــــا

صَخَبِ الجـِيادِ.. وَفرْحَةِ الأعْياد

ِاشْتـَقـْــــتُ يوْمـًا أنْ تـَعـُــودَ بــِــــلادِي

غابَتْ وَغِبْنـَا .. وَانـْتهَتْ ببعَادِي

في كـُلِّ نَجْــم ٍ ضَــلَّ حُلـْـــٌم ضَائـِـــــع

ٌوَسَحَابَــة ٌ لـَبسـَـتْ ثيــَـابَ حِدَادِ

وَعَلـَي الـْمَدَي أسْـرَابُ طـَيــر ٍرَاحِــــل

ٍنـَسِي الغِنَاءَ فصَارَ سِـْربَ جَرَادِ

هَذِي بِلادٌ تـَاجَـــرَتْ فــِـي عِرْضِهـــَــا

وَتـَفـَـرَّقـَتْ شِيعًا بـِكـُـــلِّ مَـــزَاد

ِلـَمْ يبْقَ مِنْ صَخَبِ الـِجيادِ سِوَي الأسَي

تـَاريخُ هَذِي الأرْضِ بَعْضُ جِيادِ

فِي كـُلِّ رُكـْن ٍمِنْ رُبــُــوع بـِـــــلاد

ِيتـَبْدُو أمَامِي صـُورَة ُالجــَــــلادِ

لـَمَحُوهُ مِنْ زَمَن ٍ يضَاجـِــعُ أرْضَهَـــا

حَمَلـَتْ سِفـَاحًا فـَاسْتبَاحَ الـوَادِي

لـَمْ يبْقَ غَيرُ صـُـرَاخ ِ أمـْــس ٍ رَاحـِـل ٍ

وَمَقـَابـِر ٍ سَئِمَتْ مـِــنَ الأجْـــدَادِ

وَعِصَابَةٍ سَرَقـَتْ نـَزيــفَ عُيـُـونِنـَــــا

بـِالقـَهْر ِ والتـَّدْليـِس ِ.. والأحْقـَاد

ِمَا عَادَ فِيهَا ضَوْءُ نـَجْــــم ٍ شـَــــــارد

ٍمَا عَادَ فِيها صَوْتُ طـَير ٍشـَـــادِ

تـَمْضِي بـِنـَا الأحْزَانُ سَاخِــــرَة ًبـِنـَــا

وَتـَزُورُنـَا دَوْمــًا بـِـلا مِيعــَـــاد

ِشَيءُ تـَكـَسَّرَ فِي عُيونـِــــي بَعْدَمَـــــا

ضَاقَ الزَّمَانُ بـِثـَوْرَتِي وَعِنَاد

ِيأحْبَبْتـُهَا حَتـَّي الثـُّمَالـَـــــة َ بَينـَمـَــــــا

بَاعَتْ صِبَاهَا الغـَضَّ للأوْغـَــادِ

لـَمْ يبْقَ فِيها غَيـرُ صُبْــح ٍكـَـــــــاذِبٍ

وَصُرَاخ ِأرْض ٍفي لـَظي اسْتِعْبَادِ

لا تـَسْألوُنـِي عَنْ دُمُـوع بــِــــــلادِي

عَنْ حُزْنِهَا فِي لحْظةِ اسْتِشْهَادِي

فِي كـُلِّ شِبْر ٍ مِنْ ثـَرَاهـَا صَــرْخَـــة ٌ

كـَانـَتْ تـُهَرْولُ خـَلـْفـَنـَا وتـُنَادِي

الأفـْقُ يصْغُرُ .. والسَّمَــاءُ كـَئِيبـَـة ٌ

خـَلـْفَ الغُيوم ِأرَي جـِبَالَ سَـوَادِ

تـَتـَلاطـَمُ الأمْوَاجُ فـَــوْقَ رُؤُوسِنـَــــــا

والرَّيحُ تـُلـْقِي للصُّخُور ِعَتـَادِي

نَامَتْ عَلـَي الأفـُق البَعِيـــدِ مَلامــــــحٌ

وَتـَجَمَّدَتْ بَينَ الصَّقِيـِع أيـــَـــادِ

وَرَفـَعْتُ كـَفـِّي قـَدْ يرَانـِي عَاِبـــــــــرٌ

فرَأيتُ أمِّي فِي ثِيـَــابِ حـِـــــدَاد

ِأجْسَادُنـَا كـَانـَتْ تـُعَانـِـــقُ بَعْضَهـَــــا

كـَوَدَاع ِ أحْبَــابٍ بــِــلا مِيعـَــاد

ِالبَحْرُ لـَمْ يرْحَمْ بَـرَاءَة َعُمْرنـَـــــــــا

تـَتـَزاحَمُ الأجْسَادُ .. فِي الأجْسَادِ

حَتـَّي الشَّهَادَة ُرَاوَغـَتـْنــِي لـَحْظـَــة ً

وَاستيقـَظـَتْ فجْرًا أضَاءَ فـُؤَادي

هَذا قـَمِيـصـِـــي فِيهِ وَجْــــهُ بُنـَيتــِي

وَدُعَاءُ أمي .."كِيسُ"مِلـْح ٍزَادي

رُدُّوا إلي أمِّي القـَمِيـــصَ فـَقـَـدْ رَأتْ

مَالا أرَي منْ غـُرْبَتِي وَمُـرَادِي

وَطـَنٌ بَخِيلٌ بَاعَنــي فـــــي غفلـــــةٍ

حِينَ اشْترتـْهُ عِصَابَة ُالإفـْسَـــاد

ِشَاهَدْتُ مِنْ خـَلـْفِ الحُدُودِ مَوَاكِبــًـا

للجُوع ِتصْرُخُ فِي حِمَي الأسْيادِ

كـَانـَتْ حُشُودُ المَوْتِ تـَمْرَحُ حَوْلـَنـَا

وَالـْعُمْرُ يبْكِي .. وَالـْحَنِينُ ينَادِي

مَا بَينَ عُمْـــــر ٍ فـَرَّ مِنـِّي هَاربـــــًـا

وَحِكايةٍ يزْهـُــو بـِهـَـــا أوْلادِي

عَنْ عَاشِق ٍهَجَرَ البـِلادَ وأهْلـَهـــــــَـــا

وَمَضي وَرَاءَ المَال ِوالأمْجـَـــادِ

كـُلُّ الحِكـَايةِ أنَّهـــَـــا ضَاقـَتْ بـِنـَـــــا

وَاسْتـَسْلـَمَتَ لِلــِّـصِّ والقـَـــوَّادِ!

في لـَحْظـَةٍ سَكـَنَ الوُجُودُ تـَنـَاثـَـــرَت

ْحَوْلِي مَرَايا المَوْتِ والمِيـَـــلادِ

قـَدْ كـَانَ آخِرَ مَا لـَمَحْتُ عـَلـَي الـْمَـدَي

وَالنبْضُ يخْبوُ .. صُورَة ُالجـَلادِ

قـَدْ كـَانَ يضْحَـكُ وَالعِصَابَة ُحَوْلـَــــــه

ُوَعَلي امْتِدَادِ النَّهْر يبْكِي الوَادِي

وَصَرَخْتُ ..وَالـْكـَلِمَاتُ تهْرَبُ مِنْ فـَمِي:

هَذِي بـِلادٌ .. لمْ تـَعُـــدْ كـَبـِلادِي

الشاعر فاروق جويده

محمد سافر

النهارده انا زعلانة أوى أخويا محمد سافر

سافر السعودية و أقرب أجازة هتكون بعد سنة

رغم أن محمد مش أخويا الوحيد

لكن محمد أقرب واحد ليا فى أخواتى التلاته

محمد بجد هفتقدك جداااااااا

أنت أكتر واحد بحبه أوى

و أكتر واحد كان بيضحكنى

و أكتر واحد كان فاهمنى

و أكتر واحد كان حاسس بيه

و أكتر واحد كان بيشجعنى

و أكتر واحد كان بيخاف عليه

يمكن عشان أقرب واحد ليا فى السن

مش مهم المهم أنك هتوحشتى أوى أوى

البقاء لله يا علياء

كان من المفترض أنى أذهب اليوم للكلية و لكن بأنى أصبت بدور لوز شديد و ألام فى الظهر لم أستطيع الذهاب
و لى صديقة هى محور الكلام الحكاية التى أريد أن أرويها لكم
علياء عادل صديقتى و معى فى مشروع التخرج أخذت أجازة مرضية لمدة ثلاث أسابيع و كان من المفترض أن يكون اليوم أو يوم لها فى الكلية أتفقنا على أن نتقابل اليوم فى التاسعة صباحا
و لكنى لم أستطيع الذهاب و عجبت لأن أنها لم تصتل بى فالآن التانية عشر ظهرا
أتصلت بها و جائت كلماتها عبر التليفون
" ماتت ماتت يا منى ... كانت واقفة معايا على الموقف النهارده .. صحبتى ... و جاء ميكروبص خبطها موتها ... كانت بتتكلم معايا واقفة معايا و بعدين ... ماتت"
"البقاء لله ... البقاء الله ... يا علياء"
و علياء دلوقتى بتصلى عليها
و أقنتعتها أنها بعد ما تصلى تروح على البيت مترحش الكلية
و قفلت السماعة
لا حول و لا قوة إلا بالله
معقول واحد يكون واقف جنبك و يموت ده معناه أنك أنت شخصيا كان بينك و بيت الموت كام سنتي متر
الموت قريبا أوى خلوا بالكم من قلوبكم و من نفسكم و من أصدقائكم و من أحبابكم
متنزعلش من حد و تقول بكرة نتصالح يمكن يجى بكرة و يكون هو مش موجود
عمرى ما هنسى مرة كنا مسسفرين و عشان واحد تأخر و كنا متفقين أننا كلنا نسافر الزقازيق مع بعض
فوتنا ميكروبص و قولنا نركب اللى بعديه مش مشكلة
و سبحان الله و شوية و الولد جاء و فعلا ركبنا الميكروبص اللى بعدين و بعد ما طلعنا على الطريق لقينا الميكروبص اللى احنا فوتناه مقلوب و الناس ميته جواه حسينا أد إيه أن الفرق بين الحياة والموت مجرد ثوانى أو سنتى مترات قليلة جداااااااااااا
البقاء الله يا علياء ربنا يارب يدخلها فسيح جناته و يجزيك خير الجزاء بهول الموقف اللى وقفتى فيه النهارده

ذهبت إلى غزة

من منا لم يحلم أن يذهب إلى غزة يسير فى شوراعها و يتحدث إلى أهلها يسلم عليهم و يعانقهم .. عندما تحلم و يصبح الحلم حقيقة تتحشرج الكلمات فى الحلق و لا تقدر على التعبير..و عندما يتحقق نصف الحلم فهذا دليل على أن الحلم قابل للتحقيق ...لقد أختارنى الله و خصنى بشرف الذهاب إلى اهالى غزة فى مستشفى فلسطين فى القاهرة ضمن مجموعة من شباب و فتيات عين على بكرة ... كان يوما رائعا حقا يستحق أن يحكى عنه

.
كان الميعاد فى السادسة .. تقابلنا الساعة الخامسة فى المكان المتفق عليه .. ثم توجهنا إلى هناك .. توقفنا ننتظر الإجراءات الروتينية ثم أذن لنا بالدخول ... و قادنا أحد الأعضاء فى جولة .. و منذ أن أعلمت بالميعاد و حتى لحظة الأذن لنا بالدخول لم يتوقف فكرى لحظة فى ماذا سأقول لهم؟ و ماذا سيكون رد فعلهم؟ و لماذا أنا ذاهبة إلى هناك و مشتاقة إلى الذهاب بهذا الشكل الغريب؟ وما الفائدة التى ستعم عليهم و علينا من الذهاب؟ و لم أجد إجابة على كل تلك التسائلات إلى عندما همست سفيرة الخير "د/داليا الشيمى" فى أذنى و أذن المجموعة كلها أن حين أستقلينا المصعد

"وجودنا هنا نعمة تستحق الحمد .. الحمد لله"

أقشعر جسدى عندما قابلنا أول أهالى غزة الحبيبة التى أتوق إلى اليوم الذى أمشى على أرضها و أشتاق إلى كفن من ترابها.. وتنقلنا بين الحجرات و كان لنا شرف مقابلة ما يقرب من عشرين مصاب من أهلى غزة الحبيبة المتواجدين فى القاهرة...

لن أنسى الرجل الطيب .. كان عمره بين الخمسين و الستين حين قالنا له "أننا من المفروض أن نكون معهم ليس هنا فقط و لكن هناك فى غزة فأجاب بكل قوة "نحن مكفين هناك أنتم بس نفسكم معانا" ... وكأنه يقول نحن نكفى لمحاربة العدو بالحجارة هناك و لكن أنتم عليكم واجب هنا أنشروا القضية صحوا الشباب أنقذوهم مما هم فيه.

لن أنسى حموده و صاحبة هذان الشابان دخلوا مصر مصابين منذ شهر و لكنهم الحمد لله أتموا شفائهم و هم بخير و الحمد لله ... و دعونا لهم أن يعودوا إلى بيتهم سالمين إن شاء الله و أجاب صاحب حموده "و الله خبرونى أن بتنا هدم اليوم" ... تخيلت أن بيتى هو الذى هدم و تخيلت أين سأبيت هذا اليوم و حتى أجد بيت آخر لى ... و تذكرت قول رسول الله (صلى الله عليه و سلم) "من بات آمن فى سربه معافى فى جسده عنده قوت يومه فليقل على الدنيا العفاء" .. نعم يا رسول الله فليق على الدنيا العفاء.. و كأن صاحب حموده أراد أن يقول لنا أحمدا لله حمدا كثيرا على نعمة الآمن تلك النعمة التى لا يحمد لله عليها إلا القليل.

لن أنسى تلك المرأة الصابرة التى أصيب ولدها ذو الست و العشرين عاما فى آخر غارة على غزة ... و كم حسدت سفيرة الخير حين قبلت رأسها .. و كم وددت أن أتقدم فأقبل يديها فتكون تلك القبلة شرف لى .. أن أقبل يد غزاوية تحارب من أجل الحق.

لن أنسى الأب الذى كان عمره بين الخامسة و الخمسين و الستين و كيف كان هو الذى يسألنا عن صحتنا بلهجة فلسطينية أعشقها "كيفكم انا بخير" و عندما سالنا عن صحته و إصابته فأجاب "الحمد لله انا بخير و إصابتى خفيفة قطع فى الوتر الذى يربط بين القدم و الساق" ... تعجبت كيف يقول على قطع فى الوتر إصابة خفيفة و هنا من يشعر بإرهاق يقدم على أجزة مرضى و يستريح فى البيت بسبب الإرهاق !! ...

لن أنسى تلك الشابة التى تبلغ من العمر السابعة و العشرين و أم لأربع أطفال ثلاث بنات و ولد ليس هذا الذى أثار دهشتى و لكن عندما تعلم أنها حامل فى الشهر السابع و أنها أصيبت فى الغارة و تحمد الله أن ولدها كان معها فى الغارة و لم يصاب و عندما نسالها تقول "أبنى كان معايا و هو بخير" و الذى يجعلك تحس بالعل أنهم أبطال فعلا يجب أن يخلد التاريخ أسمائهم و حياتهم بحروف من ذهب أن إصابتها فى الغارة أدت إلى بتر رجليها الأثنين .. لم تترك لها الغارة قدم واحدة تمشى عليها و تخدم بيها نفسها و زوجها و أطفالهما الذين سيكونوا خمس بعد شهرين ... و ترى الصبر و الإيمان و الرضا يسقطون من فمها إذا تحدثت ... و هنا تجد الضجر و عدم الرضا على لسان حال من يعمل أو يدرس فى مكان بعيد عن منزله ساعة أو أثنين و يشتكى من الزحام و الحر و أحيانا لا يقوم بعمله على ما يرام و أحيانا أخرى لا يذهب أصلا و إذا سألته عن السبب أجابك بكل بساطة "أصلى مفرهد من الحر"

عجبت لأناس "فرهدوا" من الحر وآخرون لم "يفرهدوا" من الرصاص طوال 60 عاما.
لن أنسى رجل من المجاهدين الإسلاميين الذى فقد عينه اليمنى و الذى أصرينا على التصوير معه لكى تكون لنا ذكرى و تشهد لنا يوم القيامة أننا حاولنا أن ندخل السرور و لو بكلمات على أبطال و مجاهدين غزة.
لكم تحياتى يا كل فرد فى غزة الحبيبة.

تناقضات الحياة

أحيانا الإنسان يشعر بالفرح و كثيرا ما يشعر بالألم

وقت الفرح صغير و وقت الحزن كبير

فى وقت الفرح تلاقى جنبك ناس كتير و فى وقت الحزن متلاقيش حد

رغم أنك و انت حزين بتكون محتاج لهم أكتر من و أنت فرحان

مش كل الناس بتحس بيك و أنت فرحان لكن وقت الحزن مفيش حد أصلا بيحس بيك

و ساعات بتكون بتبكى و الناس شيفاك طبيعى و ساعات بتكون فرحان و الناس حاسه انك زعلان

ساعات بيضحك عشان تفرح الناس اللى حوليك و أنت من جواك بيبكى دم .. لكن هما مش حسين بده و لا مقدرين

لما بتكون محتاج لحد متلاقيش و لا حد و لما تكون مش محتاج لحد تلاقى الناس حوليك